Zahe izzat-o-a’etla-e-Muhammad ﷺ
Keh hay arsh-e-Haq zere paa-e-Muhammad ﷺ

Makaan arsh unka falak farsh unka,
Malak khaadimaan-e-saraa-e-Muhammad ﷺ

Khuda ki RAZA chahte hain do aalam,
Khuda chahta hay RAZA-e-Muhammad ﷺ

Ajab kya agar raham farmaein ham par,
Khudaa-e-Muhammad-baraye Muhammad ﷺ

Muhammad baraa-e-janaab-e-Ilaahi,
Janaab-e-Ilahi baraa-e-Muhammad ﷺ

Basi itr-e-mehboob-e-kibriya sey,
‘Abaaye Muhammad qabaaye Muhammad ﷺ

Beham ehed baandhe hain wasl-e-abad ka,
Razaaye khuda aur razaaye Muhammad ﷺ

Dam-e-naz’a jaari ho meri zubaan par,
Muhammad Muhammad Khuda-e-Muhammad ﷺ

‘Asaa-e-kaleem azdahaa-e-ghazab tha,
Giron ka sahara asaa-e-Muhammad ﷺ

Main qurbaan kya pyari pyari hay nisbat,
Ye aane Khuda wo Khuda-e-Muhammad ﷺ

Muhammad ka dam khaas beher-e-Khuda hay,
Siwaaye Muhammad baraaye Muhammad ﷺ

Khuda unko kis pyaar sey dekhta hay,
Jo aankhein hain mehwe liqa-e-Muhammad ﷺ

Juluwo mein ijabat khwaasi mein rehmat,
Barhi kis tazuk sey duaaye Muhammad ﷺ

Ijaabat ne jhuk kar galle sey lagaaya,
Barhi naaz sey jab duaay-e-Muhammad ﷺ

Ijaabat ka sehra inaayat ka jora,
Dulhan ban key nikli duaaye Muhammad ﷺ

Raza pul sey ab wajd karte guzariye,
Ke hay Rab-e-sallim sadaaye Muhammad ﷺ