Wo Urs Keh Jis Urs Ka Har Rang Juda Hai
Ulama-o-Mashayi’kh Ka Jahan Chand Khila Hai
Wo Khas Jise Qadri Faizan Mila Hai
Wo Urs-e-Raza Urs-e-Raza Urs-e-Raza Hai
Mimbar Se Jahan Jari Hain Tauheed Ke Chashme
Har Baar Jahan Dikhte Hain Qudrat Ke Karishme
Har Sunni Ka Iman Jahan Taza Hua Hai
Wo Urs-e-Raza Urs-e-Raza Urs-e-Raza Hai
Quran Ki Tilawat Hai, Hadeeson Ki Sadayein
Naaton Se Muattar Hain Bareilly Ki Fazayein
Sangam Woh Jahan Ilm-o-aqeedat Ka Hua Hai
Wo Urs-e-Raza Urs-e-Raza Urs-e-Raza Hai
Nah Dhol Nah Qawwali Nah Aurat Ka Hai Mela
Tasweer Kashi Ka Bhi Nahin Rehta Jhamela
Is Daur Mein Jo Rang-e-Shariat Mein Ranga Hai
Wo Urs-e-Raza Urs-e-Raza Urs-e-Raza Hai
Us Ashiq-e-Sadiq Ka Hai Yeh Urs-e-Muqaddas
Ulama-o-Mashayi’kh Nazar Aaye Jahan Fi-Gaz
Sarkar Ka Yeh Khas Karam Jis Pe Hua Hai
Wo Urs-e-Raza Urs-e-Raza Urs-e-Raza Hai
Sultan-e-Bareilly Ka Jahan Sachha Hai Masnad
Har Fitne Ka Hota Hai Bara Khul Ke Wahan Radd
Baatil Ke Muqabil Jo Yaqeen Ban Ke Khara Hai
Wo Urs-e-Raza Urs-e-Raza Urs-e-Raza Hai
Har Samt Se Nikli Hai Phir Usshaq Ki Rally
Kheench Kheench Ke Chali Aati Hai Sab Shehar-e-Bareilly
Khud Qaid-e-Millat Jahan Allama Zia Hai
Wo Urs-e-Raza Urs-e-Raza Urs-e-Raza Hai
Hai Khoon Mein Ab Ishq-e-Risalat Ki Rawani
Yeh Urs Wafaon Ki Hai Ek Zinda Nishani
Har Zehn Ko Sarmaya-e-Haq Jis Se Mila Hai
Wo Urs-e-Raza Urs-e-Raza Urs-e-Raza Hai
Sarkar Ki Ulfat Hi Hai Iman Ka Hasil
Tahreer Bhi Talwar Hai Baatil Ke Muqabil
Duniya Ko Yeh Paigham-e-Raza Jis Ne Diya Hai
Wo Urs-e-Raza Urs-e-Raza Urs-e-Raza Hai
Har Qalb Mein Hai Noor-e-Aqeedat Ka Ujala
Har Lab Pe Saja Naat Ka Naghma Hai Nirala
Har Samt Muhabbat Ka Jahan Phool Khila Hai
Wo Urs-e-Raza Urs-e-Raza Urs-e-Raza Hai
Zulmat Ke Muqabil Woh Jo Khurshid-e-Huda Tha
Jo Khadim-e-Namoos-e-Risalat Bhi Raha Tha
Us Na’ib-e-Sarkar Ko Jo Tamgha Mila Hai
Wo Urs-e-Raza Urs-e-Raza Urs-e-Raza Hai
Eitrat Bhi Hai Mahboob, Hain As’haab Bhi Pyare
Ek Kashti Hai Aur Ek Hidayat Ke Sitare
Donon Ki Muhabbat Ka Jise Rang Charha Hai
Wo Urs-e-Raza Urs-e-Raza Urs-e-Raza Hai
Baatil Se Kabhi Sunni Nah Samjhota Karega
Haq Ke Liye Har Waqt Khara Dutt Ke Rahega
Ayyub Jo Baatil Ko Yun Lalkar Raha Hai
Wo Urs-e-Raza Urs-e-Raza Urs-e-Raza Hai