Wo Ghaus-ul-wara Aaftab-e-wilayat, Ki Chokhat Pe Jaane Ko Ji Chahta Hai
Dar-e-ghaus-e-konain Pe Jaake Apna, Muqaddar Jagaane Ko Ji Chahta Hai
Ishaare Pe Tere Ubhar Aayi Kashti, Jo Baarah Baras Qabl Gharq Hui Thi
Teri Shaan-o-shaukat Ke Aage Sar-e-dil, Mera Ab Jhukaane Ko Ji Chahta Hai
Mere Ghaus Ka Har-su Zikr-e-jali Ho, Hawa Qaadriyat Ki Har-su Chali Ho
Mujhe Ghaus-e-konain Ki Gyarahveen Mein, Yun Dhoomein Machaane Ko Ji Chahta Hai
Bada Dard Dete Hain Ye Duniya Wale, Khudara Mujhe Apne Dar Par Bula Le
Mere Ghaus Ab Haal-e-dil Apna Ro-Ro, Ke Tujh Ko Sunaane Ko Ji Chahta Hai
Tu Hai Noor Tera Gharaana Hai Noori, Khudara Karo Meri Hasrat Ye Poori
Mita Do Mere Qalb Ka Ab Andhera, Ke Dil Jagmagaane Ko Ji Chahta Hai
Tere Naam Ka Wird Kyun Na Karun Main, Teri Zaat-e-haq Par Na Kyunkar Marun Main
Tu Hai Aaina Jalwa-e-mustafa Ka, Tera Faiz Paane Ko Ji Chahta Hai
Yahi Arz Karta Hai Ayyub Bilkul, Bana Lo Ise Apne Gulshan Ka Bulbul
Ae Ghaus-ul-wara Teri Mid’hat Ka Naghma, Yunhi Gungunaane Ko Ji Chahta Hai
وہ غوث الوریٰ آفتابِ ولایت، کی چوکھٹ پہ جانے کو جی چاہتا ہے
درِ غوثِ کونین پہ جاکے اپنا، مقدّر جگانے کو جی چاہتا ہے
اشارے پہ تیرے اُبھر آٸ کشتی، جو بارہ برس قبل غرق ہوٸی تھی
تری شان و شوکت کے آگے، سرِ دل مرا اب جھکانے کو جی چاہتا ہے
مرے غوث کا ہرسو ذکرِ جلی ہو، ہَوا قادریت کی ہرسو چلی ہو
مجھے غوثِ کونین کی گیارہویں میں، یوں دھومیں مچانے کو جی چاہتا ہے
بڑا درد دیتے ہیں یہ دنیا والے، خدارا مجھے اپنے در پر بلالے
مرے غوث اب حالِ دل اپنا، رو رو کے تجھ کو سنانے کو جی چاہتا ہے
تو ہے نور تیرا گھرانہ ہے نوری، خدارا کرو میری حسرت یہ پوری
مٹادو مرے قلب کا اب اندھیرا، کہ دل جگمگانے کو جی چاہتا ہے
ترے نام کا ورد کیوں نہ کروں میں، تری ذاتِ حق پر نہ کیونکر مروں میں
تو ہے آٸینہ جلوۂ مصطفیٰ کا، ترا فیض پانے کو جی چاہتا ہے
یہی عرض کرتا ہے ایوبؔ بالکل، بنالو اِسے اپنے گلشن کا بلبل
اے غوث الوریٰ تیری مدحت کا نغمہ، یونہی گنگنانے کو جی چاہتا ہے