Nabi Ke Qadmoñ Tak Waasil Hei Ya Siddique
Tera Faizaañ Jise Haasil Hei Ya Siddique

Karam Tera Yahaañ Naazil Hei Ya Siddique
Museebat Dam Mein Jo Aafil Hei Ya Siddique

Balaaoñ Ke Mere Sar Sil Hei Ya Siddique
Jigar Ghaail Ye Dil Bismil Hei Ya Siddique

Meri Taqdeer Ka Haamil Hei Ya Siddique
Tu Mushkil Mein Mera Haail Hei Ya Siddique

Gada Halaat Se Ghafil Hei Ya Siddique
Khata Mein Har Pahar Shaghil Hei Ya Siddique

Musallam Tujh Ko Jaan O Shaañ Sadaqat Ki
Wafa Teri Taraf Maail Hei Ya Siddique

Karam Sarkar Ka Tujh Ko Mila Pyare
Karam Tera Hameiñ Haasil Hei Ya Siddique

Umar, Usmaan O Haidar Jalwa Gar Jismein
Wo Tere Khutbe Ki Mahfil Hei Ya Siddique

Sahabi, Taba’ee, Sufi, Waliullah,
Har Ek Momin Tera Qaail Hei Ya Siddique

Falak Mein Aapki Azmat Ke Hein Charche
Sana Pyare Haram Ta Hil Hei Ya Siddique

Maseehe Paak Ke Sadqe Shifa De Ab
Shifa Ka Tu Bada Moosil Hei Ya Siddique

Waseela Nooh Ka, Toofaan Hei, Imdaad!
Talaatum Bajre Mein Naazil Hei Ya Siddique

Mere Ae Ghumzuda Mujh Par Karam Farma
Tujh Hi Se Har Alam Aafil Hei Ya Siddique

Gunaahoñ Ke Bade Gardaad Meiñ Huñ Meiñ
Sahara Do Bhawar Aakil Hei Ya Siddique

Daruñ Kyuñ Kar Bhala Mushkil Kusha Jab Tu
Ye Mushkil Kya Meri Mushkil Hei Ya Siddique

Wahaabiyat Ka Aur Ye Raafziyat Ka
Jama’at Par Sitam Saail Hei Ya Siddique

Tere Dar Ki Huzoori Ke Huñ Meiñ Taalib
Teri Chaukhat Meri Manzil Hei Ya Siddique

Tasawwur Meiñ Phiruñ Meiñ Taibah Ki Galiyaañ
Tere Dar Par Mera Ye Dil Hei Ya Siddique

Bulalo Ibne Adam Ko Madeene Meiñ
Pohochne Ko Ye Musta’jil Hei Ya Siddique

Fana Gar Ehtesham Ul-qadri Jo Ho
Suhaana Haal O Mustaqbil Hei Ya Siddique

Bana Lo Ehtesham-e bad Ko Tum Apna
Gada Jaisa Bhi Hei Saail Hei Ya Siddique