Waah kya Jood-o-Karam hay shah-e-batha teraa,
Nahi sunta hi nahin maangne waala teraa.

Dhaare chalte hain ataa key woh hay qatrah teraa,
Taare khilte hain sakha key woh hay zarrah teraa.

Faiz hay ya shah-e-tasneem niralaa teraa,
Aap pyaason key tajassus mein hay daryaa teraa.

Aghniya palte hain dar sey woh hay baara teraa,
Asfiya chalte hain sar sey woh hay rasta teraa.

Farsh waale teri shaukat ka uloo kya jaanein,
Khusrawaa arsh pe urta hay pharera teraa.

Aasmaan khwaan, zameen khwaan, zamaana mehmaan,
Saahib-e-khaana laqab kis ka hay teraa teraa.

Main to maalik hi kahunga key ho Maalik key
Habeeb Yaani mehboob-o-muhib mein nahin meraa teraa.

Tere qadmon mein jo hain ghair ka munh kya dekhein,
Kaun nazron pe charhe dekh key talwaa teraa.

Behr-e-Saail ka hoon saail nah kunwe ka pyasaa,
Khud bujhaa jaaye kaleja mera cheenta teraa.

Chor hakim sey chupa karte hain yaa’n uske khilaaf,
Tere daaman mein chupe chor anokha teraa.

Aankhein thandi hon jigar taaze hon jaanein sairaab,
Sachhe sooraj woh dil aaraa hay ujaala teraa.