Nazara Kijiye Us Zaat E Akhtar Burj E Rif’at Ka
Chamakta Fazle Khwaja Se Hei Tara Unki Azmat Ka

Sama Hei Urs Ka Mein Muntazir Hun Unki Da’awat Ka
Khudaya Ab Dikha De Din Piya Ke Dar Ziyafat Ka

Bayaań Kaise Karun Mein Kya Hei Aalam Unki Soorat Ka
Qamar Hairaan Ho Kar Dekhe Jalwa Unki Tal’at Ka

Diye Chal Khuld Mein Hazrat Humein Asjad Raza De Kar
Munawwar Aaj Faizaań Hei Usi Haqdaar E Jannat Ka

Bashar Jinno Malak Mein Charcha Hei Jinki Wilayat Ka
Jahaan Mein Bol Hei Baala Usi Taaj E Shariyat Ka

Karam Ho Ibne Adam Par Wasila Apni Nisbat Ka
Karam Hei Tumpe Noorie Ka Hei Saaya Aala Hazrat Ka

Sahara Do Sahara Ehteshamul Qadri Ko Bhi
Mere Murshid Gada Hei Adna Khadim Ahle Sunnat Ka