Jahan Bani Ata Kar Dain Bhari Jannat Hiba Kar Dain
Nabi Mukhtar-e-Kul Hain Jis Ko Jo Chahain Ata Kar Dain

Jahan Main Unki Chalti Hai Woh Dam Main Kya Sai Kya Kar Dain
Zamin Ko Asman Kar Dain Surayya Ko Sara Kar Dain

Fiza Main Urrnai Walai Yun Na Itra’ain Nida Kar Dain
Woh Jab Chahain Jisai Chahain Ussai Farman Rawa Kar Dain

Meri Mushkil Ko Yun Asan Mere Mushkil Kusha Kar Dain
Har Ik Mouj-e-Bala Ko Mere Mowla Na Khuda Kar Dain

Munawwar Meri Ankhon Ko Mere Shamsud-Dhuha Kar Dain
Ghamoun Ki Dhup Main Woh Saya-e-Zulf-e-Duta Kar Dain

Ata Hu Bai Khudi Mujh Ko Khudi Meri Hawa Kar Dain
Mujhe Yun Apni Ulfat Main Mere Mowla Fana Kar Dain

Jahan Main Am Paigham-e-Shahai Ahmad Raza Kar Dain
Palat Kar Pichai Daikhain Phir Sai Tajdid-e-Wafa Kar Dain

Nabi Sai Jo Ho Baigana Usse Dil Sai Juda Kar Dain
Pidar, Madar, Biradar, Mal o Jan Unn Par Fida Kar Dain

Tabassum Sai Guman Ghuzrai Shab-e-Tarik Par Din Ka
Ziya-e-Rukh Sai Diwaroun Ko Roushan Aina Kar Dain

Kisi Ko Woh Hasate Hain Kisi Ko Woh Rulatain Hain
Woh Yunhi Azmatain Hain Woh Ab Tou Faisla Kar Dain

Gil-e-Taiba Main Mil Jaoun Guloun Main Mil Kai Khil Jaoun
Hayat-e-Jawidani Sai Mujhai Yun Ashna Kar Dain

Unhain Manzur Hai Jab Tak Yai Daur-e-Azmaish Hai
Na Chahain Tou Abhi Woh Khatm Daur-e-Ibtila Kar Dain

Sag-e-Awara-e-Sehra Sai Ukta Si Gayi Dunya
Bachaou Ab Zamanai Ka Sagan-e-Mustafa Kar Dain

Mujhe Kya Fikr Ho Akhtar Mere Yawar Hain Woh Yawar
Balaoun Ko Jo Meri Khud Giriftar-e-Bala Kar Dain