Kya Bayaan Ho Paye Azmat e Jamaluddin
Fahem Se Wara Hai Jab Rif’at e Jamaluddin

Lab Pe Hai Rawa’n Apne Midhat e Jamaluddin
Aur Qalb Me Pinha Ulfat e Jamaluddin

Panjatan Ke Gulshan Ke Wo Shagufta Ek Gul Hain
Kiyu Na Har Taraf Bikhre Nik’hat e Jamaluddin

Dee’n Pe Isteqamat Hi Asl Me Karamat Hai
Deti Hai Sabaq Hamko Seerat e Jamaluddin

Kitna Pyaara Lagta Hai Unka Dudiya Gumbad
Aur Noori Noori Wo Turbaat e Jamaluddin

Sar Zameene Surat Par Unki Baadshahat Hai
Bat Rahi Yaha’n Ghar Ghar Daulat e Jamaluddin

Hai Guzar Basar Apna Bas Unhi Ki Chaukhat Se
Ham Kabhi Na Chhodenge Chaukhat e Jamaluddin

Sirf Naam Lekar Hi Haq Nahi Adaa Hoga
Aao Sare Apna’len Seerat e Jamaluddin

Unka Naam Le Le Kar Jo Kamate Khaate Hain
Jaante Hain Un Sab Ko Hazrat e Jamaluddin

Mere Aala Hazrat Ki Khush Numa Jama’at Ko
Mil Rahi Hai Surat Me Barkat e Jamaluddin

Hai Ziyaa e Akhtar Jo Aaj Is Bulanadi Par
Bil Yaqee’n Hai Ye Faize Shirkat e Jamaluddin

Apna Kuch Nahi Isme Faiz Hai Zaheer Unka
Tu Raqam Jo Kar Payaa Mid’hate Jamaluddin