Khila Mere Dil Ki Kalee Ghaus e Azam
Mit’aa Qalb Ki Be Kalee Ghaus e Azam
Mere Chaand Mein Sadqe Aa Jaa Idhar Bhi
Chamak Uth’tay Dil Ki Gali Ghaus-e-Azam
Tere Rab Ne Maalik Kiya Tere Jad Ko
Tere Ghar Se Duniya Pali Ghaus-e-Azam
Wo Hi Kaun Aisa Nahin Jis Ne Paaya
Tere Dar Pe Duniya Dhali Ghaus-e-Azam
Kaha Jis Ne Ya Ghaus Aghithni To Dum Mein
Har Aaee Musibat Tale Ghaus-e-Azam
Nahin Koi Bhi Aisa Faryaadi Aaqa
Khabar Jis Ki Tum Ne Na Li Ghaus-e-Azam
Meri Rozi Mujh Ko Ataa Kar De Aaqa
Tere Dar Se Duniya Ne Li Ghaus-e-Azam
Na Maangun Mein Tum Se To Phir Kis Se Maangun
Kaheen Aur Bhi Hai Chali Ghaus-e-Azam
Sada Gar Yahan Mein Na Dun To Kahan Dun
Koi Aur Bhi Hai Gali Ghaus-e-Azam
Jo Qismat Ho Meri Buri, Achhi Kar De
Jo Aadat Ho Bud, Kar Bhali Ghaus-e-Azam
Tera Martaba A’la Kyun Ho Na Maula
Tu Hi Ibn-e-Maula Ali Ghaus-e-Azam
Qadam Gardan-e-Awliya Par Hai Tera
Hai Tu Rab Ka Aisa Wali Ghaus-e-Azam
Jo Doobi Thi Kashti Wo Dum Mein Nikaali
Tujhe Aisi Qudrat Mili Ghaus-e-Azam
Humaara Bhi Be-Ra Laga Do Kinaare
Tumhein Na-Khudaai Mili Ghaus-e-Azam
Tabaahi Se Naao Hamaari Bacha Do
Hawa-e-Mukhaalif Chali Ghaus-e-Azam
Tujhe Tere Jad Se, Unhein Tere Rab Se
Hai Ilm-e-Khafi-o-Jali Ghaus-e-Azam
Mera Haal Tujh Par Hai Zaahir Ke Putli
Teri Lauh Se Jaa Mili Ghaus-e-Azam
Khuda Hi Ke Jalwe Nazar Aaye Jub Bhi
Teri Chashm-e-Haq Been Khuli Ghaus-e-Azam
Fida Tum Pe Ho Jaaye Noori-e-Muztar
Ye Hai Is Ki Khwahish Dili Ghaus-e-Azam