Dil Mera Dunya Pe Shaida Ho Gaya
Ay Mere Allah Ye Kya Ho Gaya

Kuch Mere Bachne Ki Soorat Kijiye
Ab To Jo Hona Tha Maula Ho Gaya

Aib Posh e Khalq Daaman Se Tere
Sab Gunahgaaroñ Ka Parda Ho Gaya

Rakh Diya Jab Us Ne Phat’tar Par Qadam
Saaf Ik Aa-ina Paida Ho Gaya

Door Ho Mujh Se Jo Un Se Door Hai
Us Pe Maiñ Sadqe Jo Un Ka Ho Gaya

Garmi e Baazaar Maula Bar’h Chali
Nirkh e Rahmat Khoob Sasta Ho Gaya

Dekh Kar Un Ka Farogh e Husn e Paa
Mahr Zar’ra, Chaand, Taara Ho Gaya

Rab’bi Sal’lim Wo Id’har Kehne Lagay
Us Taraf Paar Apna Bey’ra Ho Gaya

Un Ke Jalwoñ Meiñ Haiñ Ye Dil-Chaspiyaañ
Jo Wahaañ Pahuncha Waheeñ Ka Ho Gaya

Tere ‘Tukroñ Se Palay Donoñ Jahaañ
Sab Ka Us Dar Se Guzaara Ho Gaya

As Salaam Ay Saakinaan e Koo e Dost
Ham Bhi Aate Haiñ Jo Eema Ho Gaya

Un Ke Sadqe Meiñ Azaaboñ Se Ch’hut’ay
Kaam Apna Naam Un Ka Ho Gaya

Sar Wahi Jo Un Ke Qadmoñ Se Laga
Dil Wahi Jo Un Pe Shaida Ho Gaya

Husn e Yusuf Par Zulaikha Mit’t Gayeeñ
Aap Par Allah Pyaara Ho Gaya

Us Ko Sheroñ Par Sharaf Haasil Huwa
Aap Ka Dar Ka Jo Kut’ta Ho Gaya

Zaahidoñ Ki Khuld Par Kya Dhoom Thee
Koyi Jaane Ghar Ye Un Ka Ho Gaya

Ghol Un Ke ‘Aasiyoñ Ke Aaye Jab
Ch’hant’ Gayi Sab Bheer’ Rasta Ho Gaya

Jaa Par’a Jo Dasht e Taibah Meiñ Hasan
Gulshan e Jannat Ghar Us Ka Ho Gaya