Baghdad Mein Har Samt Hai Taiba Ka Nazara
Baghdad Hai Pyara, Baghdad Hai Pyara
Kehte Hain Jise Sab Hai Bahoot Khoob Wahi Hai
Har Aashiq-e-Sarkar Ka Matloob Wahi Hai
Allah Ke Mehboob Ka Mehboob Wahi Hai
Ik Baar Jo Dekh Aaye, Wo Jata Hai Dobara
Baghdad Hai Pyara, Baghdad Hai Pyara
Rehmat Ka Khazina Hai Wo Baghdad Ki Galiya
Tasvir-e-madina Hai Wo Baghdad Ki Galiya
Jannat Ka Nagina Hai Wo Baghdad Ki Galiya
Behta Hai Sada Rehmat-o-Anwaar Ka Dhara
Baghdad Hai Pyara, Baghdad Hai Pyara
Chadar Wahan Rehti Hai Tani Hasani-Husaini
Har Samt Wahan Chhao Mili Hasani-Husaini
Khushboo Hai Fazaon Mein Basi Hasani-Husaini
Baghdad Ka Dulha Hai, Ali Ka Bhi Dulaara
Baghdad Hai Pyara, Baghdad Hai Pyara
Us Dar Ki Muhabbat Hai Madine Ki Muhabbat
Us Dar Ki Inayat Hai Madine Ki Inaayat
Us Dar Ki Ziyaarat Hai Madine Ki Ziyaarat
Jo Dekh Le Baghdad, Lagata Hai Ye Na’ra
Baghdad Hai Pyara, Baghdad Hai Pyara
Us Shehr-e-Muqaddas Se Haseen Koi Nahin Hai
Mere Liye Har Zarra Wahan Mah-Jabee Hai
Roza Hai Bade Peer Ka Ya Noor-e-Mubeen Hai
Mil Jaaye Wasi Ko Usi Chaukhat Ka Utaara
Baghdad Hai Pyara, Baghdad Hai Pyara