Tujhe Wo Martaba Haasil Hei Ya Siddique
Bashar Mein Awwal O Faazil Hei Ya Siddique

Tu Rab Ki Raah Ka Naaqil Hei Ya Siddique
Nabi Ke Fazl Par Naail Hei Ya Siddique

Bada Tu Badshah Baazil Hei Ya Siddique
Gada Maula Tera Saail Hei Ya Siddique

Tera Jalwa Chamakte Mehr Ki Manind
Tera Chehra Mae Kaamil Hei Ya Siddique

Bayaañ Karti Hei Jo Saani Muhammad Ka
Usi Aayat Mein Tu Shaamil Hei Ya Siddique

Nabi Ke Ba’ad Ummat Ka Hei Tu Kaafil
Muhammad Mustafa Ka Zil Hei Ya Siddique

Woh Azmat Mustafa Ki Jaane Na Bilkul
Teri Azmat Ka Jo Jaahil Hei Ya Siddique

Ali Tashreef Laate Hein Usi Dil Mein
Teri Ulfat Jise Haasil Hei Ya Siddique

Muhafiz Pehla Hei Khatme Nubuwwat Ka
Haan Tu Kazzaaboñ Par Aajil Hei Ya Siddique

Hamesha Gar Karam Ho Ahle Sunnat Par
To Kya Hi Khoob Mustaqbil Hei Ya Siddique

Nazar Kar Qaafila Tera Bharose Hei
Siraa Ka Maula Tu Kaafil Hei Ya Siddique

Hein Dushman Aql Ke Jo Chidhte Hein Tujhse
UN A’ada Ke Diloñ Mein Ghil Hei Ya Siddique

Gadaa Badkaar Hei Chor O Kameena Hei
Magar Maula Tera Faail Hei Ya Siddique

Mere Haq Mein Mera Tu Faisla Farma
Mera Aamil Tu Hi Aadil Hei Ya Siddique

Likhe Bas Ibne Adam Aapki Mid’hat
Vila Kaaghaz Qalam Ye Dil Hei Ya Siddique

Zubaañ Chup, Aql Dang Hei Ibne Adam Ki
Sana Ka Muh Kahañ Qaabil Hei Ya Siddique

Gire Ye Ehtesham Ul-Qadri Kaise
Sahara Jab Tera Haamil Hei Ya Siddique